ବଲାଙ୍ଗିର: ଖାକି ବାବୁଙ୍କ ପରକୀୟ ପ୍ରୀତି । ପ୍ରେମିକା ସହ ଥିବା ବେଳେ ପୋଲିସ ବାବୁଙ୍କୁ ଧରିପକାଇଲେ ପତ୍ନୀ । ଆଉ ତା ପରେ ଭୋ ଭୋ କାନ୍ଦିଲେ। ବଲାଙ୍ଗିରରେ ଘଟିଛି ଏହି ଘଟଣା।
ବଲାଙ୍ଗିର ରିଜର୍ଭ ପୋଲିସର ଜଣେ କର୍ତ୍ତବ୍ୟରତ ପୋଲିସ କର୍ମଚାରୀ ମଞ୍ଜିତ ସିଂହ ମାଝୀ ପରକୀୟା ପ୍ରୀତିରେ ମସଗୁଲ ଥିଲେ। ୭ ବର୍ଷ ହେଲା ବିବାହ କରି ଗୋଟିଏ ପୁଅ ଥିଲେ ବି ବାବୁଙ୍କ ଚାଲିଥିଲା କଳା କାରନାମା । ଏହି ଘଟଣାକୁ ନେଇ ପୋଲିସ୍ ବାବୁଙ୍କୁ ହଟହଟା ହେବାକୁ ପଡ଼ିଛି ।
ଗତକାଲି ରାତିରେ ପୋଲିସ ବାବୁ ହାତୀଶାଳ ପଡ଼ାରେ ରହୁଥିବା ତାଙ୍କ ପ୍ରେମିକାଙ୍କ ଘରକୁ ଯାଇଥିବା ବେଳେ ହଠାତ୍ ପହଞ୍ଚିଥିଲେ ପତ୍ନୀ । ଏହା ପରେ ସ୍ଥିତି ପୁରା ଅସମ୍ଭାଳ । ଟାଉନ୍ ପୋଲିସର ପିସିଆର ଭ୍ୟାନ୍ ଆସି ପୋଲିସ ବାବୁଙ୍କୁ ଉଠାଇ ନେଇଥିଲା ।