ଲୋକତନ୍ତ୍ର (ବ୍ୟୁରୋ) : ଏଣିକି ଭୁବନେଶ୍ବରରୁ ମାଲେସିଆ ଯିବା ହୋଇଗଲା ଅଧିକ ସହଜ। ଏବେ ଭୁବନେଶ୍ବର ବିମାନବନ୍ଦରରୁ ମାଲେସିଆ କୁଆଲାଲମ୍ପୁର ବିମାନବନ୍ଦର ମଧ୍ୟରେ ସିଧାସଳଖ ବିମାନ ସେବା ଆରମ୍ଭ ହୋଇଛି।
ଏହି ସେବା ବିମାନ ସଂସ୍ଥା ଏୟାର ଏସିଆ ପକ୍ଷରୁ ପ୍ରଦାନ କରାଯିବ । ସୂଚନା ଅନୁଯାୟୀ, କୁଆଲାଲମ୍ପୁରରୁ ବିମାନଟି ରାତି ୧୦ଟା ୧୦ରୁ ବାହାରି ଭୁବନେଶ୍ୱରରେ ରାତି ୧୧ଟା ୨୦ରେ ପହଞ୍ଚିବ । ଏହାପରେ ପୁଣି ଭୁବନେଶ୍ୱରରୁ ବିମାନଟି ରାତି ୧୧ଟା ୫୦ରୁ ଉଡ଼ାଣ ଆରମ୍ଭ କରିବ। ସପ୍ତାହର ୩ଦିନ ଅର୍ଥାତ ମଙ୍ଗଳବାର, ଗୁରୁବାର ଏବଂ ଶନିବାର ଏହି ସେବା ଉପଲବ୍ଧ ହେବ ।
ତେବେ ପୂର୍ବରୁ ୨୦୧୭ରେ ଏୟାର ଏସିଆ ପକ୍ଷରୁ ଭୁବନେଶ୍ୱର-କୁଆଲାଲମ୍ପୁର ମଧ୍ୟରେ ବିମାନ ଚଳାଚଳ ହେଉଥିଲା । ମାତ୍ର କୋଭିଡ୍ ସମୟରେ ଏହାକୁ କରାଯାଇଥିଲା । ଯାହା ପୁଣି ଆରମ୍ଭ ହେବାକୁ ଯାଉଛି । ଏବେ ପୁଣି ସିଧାସଳଖ ଭୁବନେଶ୍ବରରୁ ମାଲେସିଆ ବିମାନ ଯୋଗେ ସଂଯୋଗ କରାଯାଇଥିବା ସୂଚନା ମିଳିଛି।